Prezidentimiz tomonidan hudud aholisining keyingi yil maygacha go‘sht, tuxum, un, yog‘, shakar, guruch, kartoshka, sabzi va piyozga bo‘lgan ehtiyoji, bu mahsulotlarni qachon, qayerdan olish bo‘yicha aniq hisob-kitob bo‘lishi kerakligi, har bir hududda oziq-ovqat xavfsizligi bo‘yicha alohida jamg‘armalar tashkil etilishi bo‘yicha topshiriq berildi.
Ushbu topshiriq yuzasidan Farg‘ona tumanida jami 4 ming 580 tonna mahsulot, jumladan 2 ming 70 tonna kartoshka, 1 ming 451 tonna piyoz, 849 tonna sabzi, 211 tonna guruch jamg‘arish belgilab olingan.
Ushbu jamg‘ariladigan mahsulotlarni saqlash uchun 16 ta 13 500 tonna mahsulotlarni saqlash quvvatiga ega zamonaviy muzlatkichli hamda 4 ta 4600 tonna mahsulotlarni saqlash omborxonalari faoliyat ko‘rsatmoqda.
Bugun Farg‘ona tumani hokimi, 1-sektor rahbari Sh.Mo‘minov tashabbusi bilan “Vodil” dehqon bozoriga 30 tonna sifatli kartoshka olib kelinib, bozor omborxonasiga joylashtirildi.
